AP: Знішчальнікі Паўднёвай Карэі зрабілі 360 стрэлаў у бок расейскага бамбавіка

Вайсковы самалёт РФ двойчы парушыў паветраную прастору краіны.

Паўднёвакарэйскія знішчальнікі зрабілі 360 папераджальных стрэлаў пасля таго, як расейскі вайсковы самалёт парушыў паветраную прастору Паўднёвай Карэі.

Пра гэта паведамляе "Еўрапейская праўда" са спасылкай на AP.

Тры расейскія вайсковыя самалёты - два бамбавіка Ту-95 і адзін самалёт ранняга папярэджання і кантролю A-50 - спачатку ўвайшлі ў зону ідэнтыфікацыі СПА Паўднёвай Карэі ля яе ўсходняга ўзбярэжжа, перш чым A-50 увайшоў у паветраную прастору краіны, паведаміла Міністэрства абароны Паўднёвай Карэі.

Паўднёвакарэйскія знішчальнікі падняліся ў неба на перахоп, выпусцілі 10 ракет і зрабілі 80 папераджальных стрэлаў з кулямётаў.

Расейскі выведвальны самалёт спачатку пакінуў раён, але потым вярнуўся і зноў парушыў паветраную прастору Паўднёвай Карэі. Таму паўднёвакарэйскія знішчальнікі выпусцілі 10 ракет і зрабілі 280 стрэлаў з кулямётаў. У адказ агню расейскі самалёт не распачынаў.

Са слоў паўднёвакарэйскіх афіцыйных асоб, расейскі вайсковы самалёт ўпершыню парушыў паветраную прастору Паўднёвай Карэі.

У 1983 году савецкі знішчальнік выпусціў ракету "паветра-паветра" па паўднёвакарэйскім пасажырскім самалёце, які ўвайшоў у савецкую паветраную прастору, што прывяло да гібелі ўсіх 269 чалавек на борце. Стасункі паміж Сеулам і Масквой паступова палепшыліся, яны ўстанавілі дыпламатычныя дачыненні ў 1990 годзе, за год да распаду Савецкага Саюза.

Паветраная прастору, якую расейскі вайсковы самалёт парушыў у аўторак, знаходзіцца над групай паўднёвакарэйскіх выспаў прыкладна на паўдарогі паміж Паўднёвай Карэяй і Японіяй, што з’яўляецца крыніцай тэрытарыяльных спрэчак паміж краінамі. Расея не ўцягнутая ў гэтыя спрэчкі.

Тры расейскія самалёты ўвайшлі ў зону ідэнтыфікацыі СПА Паўднёвай Карэі з дзвюма кітайскімі бамбавікамі. Аднак невядома, ці наўмысна дзве краіны зрабілі гэта.

Міністэрства абароны Паўднёвай Карэі заявіла, што плануе выклікаць супрацоўнікаў пасольства Расеі і Кітая пазней у аўторак для заявы афіцыйных пратэстаў.