Загадкі АПК: куды знікла пятая частка галоў у жывёлагадоўлі?

Скандалы ў сельскай гаспадарцы пад кіраўніцтвам Лукашэнкі ідуць адзін за адным.

Скандал, які выліўся ў сакавіку, калі Лукашэнка, азнаёміўшыся з умовамі ўтрымання буйной рагатай жывёлы ў гаспадарках Магілёўскай вобласці, назваў фермы канцлагерам для кароў, набірае абароты.

Нядаўна ў адной з гаспадарак Гомельскай вобласці кантралёры выявілі, што фактычная наяўнасць кароў на фермах была больш чым на 1 000 галоў меншай, чым было згодна з дакументамі. Ніхто з работнікаў, спецыялістаў і кіраўнікоў, не змог выразна растлумачыць гэтую нястачу.

«З палавіны правераных сельгаспрадпрыемстваў больш за палову працуюць з парушэннямі ўтрымання жывёлы. Самае распаўсюджанае з іх - кепскі догляд жывёл, - піша Кастусь Скуратовіч у каментары на сайце «Наша думка». - У большай ступені гэтыя хібы вызначае ранейшая практыка гаспадарання, пра якую кажуць спецыялісты. Жывёлы хварэюць, здараецца падзеж, які нельга паказаць у справаздачнасці.

Напрыклад, існуе дапушчальная норма прырэзкі жывёлы, якая не перасягае 5%. А на Захадзе норма падзяжу дасягае 30%. Нашы гаспадаркі імкнуцца ўсялякім цаной вытрымаць норму. І часта яе парушаюць. Так з'яўляюцца таемныя пахаванні, якія не ўлічваюцца статыстыкай. Напраўду такія пахаванні шкодзяць навакольнаму асяроддзю, пагражаюць здароўю насельніцтва.

«З улікам гэтых абставін, можна сказаць, што на ўнутраным рынку прадукцыя галіны жывёлагадоўлі знаходзіць попыт і збыт, бо ён надзейна зачынены ад імпарцёраў. Але ад амбіцыйнай задачы здабыць замежныя рынкі, хутчэй за ўсё, давядзецца адмовіцца, - адзначае аўтар каментара. - Тым больш што ва ўсім свеце пачынаюць дамінаваць пакупнікі з ліку абаронцаў жывёл і фермеры, якія выкарыстоўваюць у сваіх гаспадарках сялянскія тэхналогіі і вырабляюць экалагічна чыстую прадукцыю».

У гэтым сэнсе сімптаматычнай можна назваць практыку, якая ўсё больш трывала асталёўваецца ў Нямеччыне. Міністарка сельскай гаспадаркі Юлія Клекнер надоечы выступіла з ініцыятывай, якая выклікала ажыўленую крытыку грамадскасці. Яна прапанавала маркаваць мясныя прадукты такім чынам, каб па этыкетцы на ўпакоўцы пакупнік мог адрозніваць мяса, вырабленае з больш высокім стандартам ад прадукту, вырабленага з мінімальна дапушчальным стандартам. Ідэя міністаркі ў тым, што маркіроўка дае магчымасць меркаваць аб тым, як ўтрымліваліся жывёлы да забою.

Абаронцы жывёл, з якімі салідарызуецца Сацыяльна-дэмакратычная партыя Нямеччыны, патрабуе ад міністаркі, прадстаўніцы Хрысціянска-дэмакратычнай уніі, каб такая маркіроўка стала абавязковай. Са свайго боку, міністр унутраных спраў Хорст ЗэехофэрM таксама прапануе ўвесці дзяржаўны знак, які дазваляе пакупніку кваліфікавана меркаваць аб паходжанні мяса. Такія захады могуць прывесці да паляпшэння ўтрымання жывёл на фермах.