Куды беларусам паехаць у жніўні за мяжу

Ёсць некалькі добрых варыянтаў недарагога адпачынку для ўсёй сям'і.

Жнівень ̶ найлепшы месяц для бюджэтнага сямейнага адпачынку за мяжой. На многіх сусветных курортах з'яўляюцца першыя зніжкі і гарачыя прапановы. Калі вы яшчэ не вызначыліся, куды паехаць адпачываць летам 2019, segodnya.ua прапануе вам выдатныя туры ў Туніс, Грузію, Гішпанію, Італію і Турцыю.

Такім чынам, куды можна паехаць у адпачынак у жніўні 2019 года. ТОП-5 цікавых кірункаў:

Туніс

Улетку ў Тунісе стабільна горача - тэмпература паветра +33-35, вады +27. Тут шыкоўныя ўмовы для адпачынку - пляжы з белым пяском, падобным на муку, цёплая вада, спадзісты ўваход у мора. Рэкамендуем два курорты: самы моладзевы і шумны Сус, а таксама Хамамет - спакойны і кансерватыўны.

Грузія

Грузія - гэта хіт-кірунак апошніх некалькіх гадоў сярод падарожнікаў з многіх краін. Узрушаючая гасціннасць, недарагая і надта смачная кухня, мноства варыянтаў для класнага адпачынку, акрамя пляжнага. Тут ёсць абсалютна ўсе магчымасці добрага правядзення часу - мора, пляж, гісторыя, культура, прырода, горы.

Гішпанія

Гішпанія ў жніўні сустракае нас спякотай і перапоўненымі пляжамі. У гэты месяц на адпачынак прыязджаюць турысты з усёй Еўропы. Жнівень - гэта сезон распродажаў! Многія прыязджаюць у Гішпанію ў жніўні менавіта на шопінг, скідкі да 80% на ўсё. Рэкамендуем наведаць Барселону. Нягледзячы на тое, што сталіца Каталоніі - буйны мегаполіс, тут вельмі чыстае мора і пляжы, таму можна з поспехам спалучаць пляжны і экскурсійны адпачынак.

Італія

Найлепшы пляжны адпачынак вас чакае на Сардзініі і Сіцыліі. Самыя рамантычныя месцы - Амальфітанскае ўзбярэжжа - Амальфі, Пазітана, Сарэнта, востраў Іск’я або ў Лігурыі - знакамітыя гарады Чынкве Тэрэ. Раёны Тасканы і Апулія падыдуць для паездкі з дзіцем, а самы недарагі адпачынак з дзецьмі вас чакае на курортах Адрыятычнага мора - Рыміні і Рычоне. Адсюль вы зможаце з'ездзіць на аднадзённыя экскурсіі ў Верону, Венецыю, Фларэнцыю.

Турцыя

Жнівень у Турцыі - гэта вельмі горача. Таму варта правільна выбраць турэцкі курорт, каб не праводзіць увесь час пад кандыцыянерам. Рэкамендуем паглядзець на Кемер - добры выбар для адпачынку з сям'ёй і дзецьмі. Прычым гатэлі ў самым Кемеры разлічаныя больш на моладзь - бары, дыскатэкі, начное жыццё.