Звесткі ЦВК: Партыя Зяленскага атрымлівае большасць месцаў у Радзе
9- 22.07.2019, 8:29
- 10,950
У Вярхоўную Раду Украіны праходзяць пяць партый.
Цэнтральная выбарчая камісія Украіны апрацавала 35,51% электронных пратаколаў акруговых выбарчых камісій у шматмандатных выбарчых акругах на пазачарговых выбарах у Вярхоўную Раду, у лідарах «Слуга народа» - 42,19%. Пра гэта паведамляе liga.net са спасылкай на прэс-службу ЦВК.
На другім месцы - «Апазіцыйная платформа - За жыццё» - 12,75%, трэцім - «Еўрапейская салідарнасць» - 8,71%, чацвёртым «Бацькаўшчына» - 8,15%, пятым - «Голас» - 6,39%.
З улікам звестак мажарытарных акруг (дзе «Слуга народа» атрымлівае 120 месцаў з 199) партыя Уладзіміра Зяленскага атрымлівае больш за 230 месцаў з 424, гэта значыць больш за 50%.
