Апытанне: Украінцы назвалі самых улюбёных і нялюбых палітыкаў

Якія пачуцці жыхары Украіны маюць да палітыкаў і чыноўнікаў?

Лепш за ўсё украінцы ставяцца да прэзідэнта Украіны Уладзіміра Зяленскага, горш за ўсё - да лідара партыі «Еўрапейская салідарнасць» і былога прэзідэнта Пятра Парашэнкі. Пра гэта сведчаць вынікі апытання грамадскай думкі, праведзенай Кіеўскім міжнародным інстытутам сацыялогіі, піша a target="_blank" href=https://zn.ua/UKRAINE/luchshe-vsego-ukraincy-otnosyatsya-k-zelenskomu-huzhe-vsego-k-poroshenko-opros-324160_.html>zn.ua.

Так, згодна з апытаннем больш за ўсё рэспандэнтаў ведаюць Уладзіміра Зяленскага (99,8%), Пятра Парашэнку (99,6%) і лідарку партыі ВА «Бацькаўшчына» Юлію Цімашэнку (99,2%).

У той жа час прэм'ер-міністра Украіны Уладзіміра Гройсмана ведаюць 96,6% апытаных, лідара Радыкальнай партыі Алега Ляшко - 94,8%, лідара партыі «Голас», музыку Святаслава Вакарчука - 89,8%, заснавальніка партыі «Апазіцыйная платформа - За жыццё», нардэпа Юрыя Бойку - 89,5%, лідара партыі «Грамадзянская пазіцыя» Анатоля Грыцэнку - 85,3%, міністра ўнутраных спраў Украіны Арсэна Авакава - 83,6%.

Сустаршыню партыі «Апазіцыйная платформа - За жыццё» Вадзіма Рабіновіча ведае 78% рэспандэнтаў, мэра Львова, лідара партыі «Самопомич» Андрэя Садовага - 76,6%, аднаго з лідараў партыі «Апазіцыйны блок», другі нумар у выбарчым спісе партыі на пазачарговых выбарах у Раду Аляксандра Вілкула - 73,6%.

Менш за ўсё украінцаў ведае прадстаўніка прэзідэнта Украіны ў Вярхоўнай Радзе Руслана Стэфанчука (29,6%).

Што тычыцца пазітыўнага ўспрымання, то больш за ўсё рэспандэнтаў пазітыўна ставяцца да прэзідэнта Зяленскага (72,8% з тых, хто ведае яго). Таксама сімпатыямі карыстаюцца лідар партыі «Слуга народа» Дзмітрый Разумкоў (54,8%), Святаслаў Вакарчук (25,8%), Юрый Бойка (25,7%), Анатоль Грыцэнка (24,8%) і Юлія Цімашэнка (21,7%). Да пятага прэзідэнта Украіны Парашэнкі пазітыўна ставяцца 10,2% апытаных.

Менш за ўсё ўкраінцаў сімпатызуюць мэру Адэсы Генадзю Труханаву (6,2%) і кіраўніку МУС Арсэну Авакаву (4,8%).

У той жа час больш за ўсё ўкраінцаў маюць негатыўныя эмоцыі да Пятра Парашэнкі (75,8%), Арсэна Авакава (60,5%), Алега Ляшко (59,7%), кіраўніка «Апазіцыйнай платформы - За жыццё» Віктара Медведчука (58,6%), мэра Харкава Генадзя Кернэса (57,5%), мэра Адэсы Генадзя Труханава (56,6%), Аляксандра Вілкула (52,7%) і Вадзіма Рабіновіча (50,3%).

Апытанне праводзілася метадам асабістага інтэрв'ю сярод 2 тысяч грамадзян Украіны, старэйшых за 18 гадоў, якія пражываюць у 125 населеных пунктах усіх рэгіёнаў Украіны (акрамя акупаванага Крыма і не падкантрольных тэрыторый Данбаса) на падставе трохступеньчатай стахастычнай выбаркі. Статыстычная хібнасць выбаркі не перавышае 3,3% для паказчыкаў, блізкіх да 50%, 2,8% - для паказчыкаў, блізкіх да 25%, 2% - для паказчыкаў, блізкіх да 10%, 1,4% - для паказчыкаў, блізкіх да 5%.

Адзначым, што згодна з сацапытаннем больш за ўсё украінцаў чакаюць, што новы прэзідэнт Украіны Уладзімір Зяленскі ў свае першыя 100 дзён на пасадзе знізіць тарыфы на паслугі ЖКГ і ініцыюе зняцце недатыкальнасці з дэпутатаў, суддзяў і прэзідэнта.