Сіноптыкі: Заўтра будзе да +24°С

Прагноз надвор'я па Беларусі на 18 - 20 ліпеня.

18 ліпеня надвор'е Беларусі будуць вызначаць атмасферныя франты ад цыклону з цэнтрам над Маскоўскай вобласцю. Чакаецца воблачна з прасвятленнямі, піша Гідрамет.

Уначы месцамі, раніцай і ўдзень на большай частцы тэрыторыі кароткачасовыя дажджы. У асобных раёнах навальніцы, у паўночна-ўсходніх раёнах месцамі моцныя дажджы. Вецер паўночна-заходні, заходні парывісты. Тэмпература паветра мінімальная ўначы +8..+14°С, максімальная ў сярэдзіне дня +16..+22°С, на паўднёвым захадзе да +24°С. Атмасферны ціск будзе слаба расці.

19 ліпеня надвор'е ў асноўным будзе вызначаць вобласць паніжанага атмасфернага ціску, на паўночным усходзе краіны захаваецца ўплыў франтальнага падзелу. Уначы на паўночным усходзе, удзень месцамі ў краіне пройдуць кароткачасовыя дажджы. У дзённыя гадзіны ў асобных раёнах магчымыя навальніцы. Вецер паўночна-заходні, заходні парывісты. Тэмпература паветра мінімальная ўначы +8..+14°С, максімальная ўдзень +20..+26°С, у паўночна-ўсходніх раёнах +18..+19°С.

20 ліпеня ўначы рэспубліка ў асноўным будзе знаходзіцца ў вобласці павышанага атмасфернага ціску, удзень адаб'ецца ўплыў няўстойлівай цёплай паветранай масы, якая паступае з Заходняй Еўропы. Уначы на крайнім паўночным усходзе, раніцай і ўдзень у асобных раёнах рэспублікі чакаюцца кароткачасовыя дажджы, магчымыя навальніцы. Уначы на паўднёвым захадзе слабы туман. Вецер няўстойлівы слабы да сярэдняга. Тэмпература паветра мінімальная ўначы +7..+14°С, максімальная ўдзень ад +21°С на паўночным усходзе краіны да +28°С на паўднёвым захадзе.