Абаронцы «дармаедаў» звярнуліся да спецдакладчыцы ААН

Наконт забароны мірных акцый у Гомельскай вобласці праваабаронцы звярнуліся да спецдакладчыцы ААН Анаіс Марэн.

Гомельскі цэнтр стратэгічнай цяжбы накіраваў паведамленне Анаіс Марэн, Спецыяльнай дакладчыцы ААН у пытанні аб становішчы ў галіне правоў чалавека ў Беларусі, дзе пералічваюцца ўсе 24 забароны ў кожным раёне вобласці мірных акцый пратэсту супраць сумнавядомага дэкрэта аб «дармаедах», піша «Гомельская весна».

Напрыклад, у паведамленні прыводзіцца нацыянальная заканадаўчая база са зменамі, якая ўвайшла ў гэтым годзе ў дзеянне і рэгулюе парадак правядзення ў краіне мірных сходаў, практыка яго выкарыстання, паказваюцца высновы і рэкамендацыі.

«У развіццё нацыянальнага закона аб масавых мерапрыемствах пастановай №49 савета міністраў ад 24 студзеня 2019 года зацверджаны раздзел, які вызначае парадак аплаты паслуг у ахове грамадскага парадку органамі міліцыі, расходаў, звязаных з медыцынскім абслугоўваннем і прыборкай тэрыторыі пасля правядзення масавых мерапрыемстваў. Зрэшты, тут канкрэтызаваны кошт паслуг міліцыі ў залежнасці ад колькасці ўдзельнікаў таго ці іншага масавага мерапрыемства, вызначаны каэфіцыент падвышэння, у выпадку іх правядзення ў месцах, якія не вызначаныя як сталыя для іх правядзення і г.д.», - паведамляецца пра новаўвядзенні ў заканадаўстве ў звароце.

«Асаблівую нашу заклапочанасць выклікае той факт, што суддзі судоў першых інстанцый, следам за мясцовымі чыноўнікамі адказы для правядзення мірных сходаў матывуюць выключна фармальнымі нормамі нацыянальнага заканадаўства, ігнаруючы пры гэтым нормы міжнародных дамоваў аб правах чалавека, удзельніцай якіх з'яўляецца Беларусь», - адзначыў у звароце кіраўнік Гомельскага цэнтра стратэгічнай цяжбы Леанід Судаленка.

У звароце праваабаронцы заклікаюць Спецдакладчыцу ААН распачаць усе магчымыя дзеянні ў рамках свайго мандата і, прынамсі, уступіць у камунікацыю з беларускім урадам з мэтай змены практык разгляду заявак на правядзенне мірных сходаў, а таксама з мэтай змены стаўлення да шматлікіх пастаноў (меркаванняў), якія прымаюцца Камітэтам ААН у правах чалавека згодна са скаргамі беларускіх грамадзян аб парушэнні права на мірныя сходы.