У Магілёўскай вобласці са стралянінай спынялі Audi Q7 з РФ

Аўтамабілем кіраваў нецвярозы расеец.

Сёння а 3:45 у Мсціслаўскім раёне Магілёўскай вобласці было не так спакойна, як у іншыя ночы. Супрацоўнікі мясцовай ДАІ са стралянінай спынялі нецвярозага кіроўцу Audi Q7. Такую інфармацыю паведамляе агенцтва БелТА са спасылкай на УДАІ МУС.

Інцыдэнт адбыўся на 59-м км аўтадарогі Чавусы - Мсціслаў - мяжа РФ непадалёк ад вёскі Сапрынавічаў Мсціслаўскага раёна. Патруль супрацоўнікаў ДПС на службовай машыне пераследаваў аўтамабіль Audi Q7 на расейскіх нумарах, кіроўцам якога быў 27-гадовы жыхар Смаленскай вобласці Расеі. Турыст выявіўся п'яным.

«Меліся пэўныя звесткі, што ён кіруе аўтамабілем у стане алкагольнага ап'янення», - адзначылі ва УДАІ. На неаднаразовыя законныя патрабаванні інспектараў ДПС аб спыненні, якія падаюцца з дапамогай сігнальнага гучнай прылады і пробліскавых маячкоў сіняга і чырвонага колеру, кіроўца не адрэагаваў. Для спынення машыны выкарыстоўвалася зброя. Кіроўца затрыманы. Складзены адміністрацыйны пратакол за кіраванне транспартным сродкам у стане ап'янення і невыкананне неаднаразовых патрабаванняў аб спыненні. Праводзіцца праверка.