Што зменіцца ў Беларусі з 1 ліпеня

Напрыклад, ужо з наступнага месяца пацяжэюць рахункі.

З 1 ліпеня ў Беларусі правядуць пераразлік пенсій вайсковым пенсіянерам, вырастуць плацяжы за гарачую ваду, падымуць кошты многіх марак цыгарэт. Tut.by паглядзеў, на змены, і як яны адаб’юцца на памеры партманэтаў, якія чакаюць беларусаў у ліпені.

Пераразлічаныя пенсіі вайскоўцаў

З 1 ліпеня ў Беларусі правядуць пераразлік сум пенсій вайсковым пенсіянерам. Рост выплат складзе блізу 5,5%.

Падвышэнне выплат звязана са скасаваннем карэктавальных каэфіцыентаў, якія былі ўведзеныя ў 2017 годзе ўказам Лукашэнкі «Аб пенсійным забеспячэнні некаторых катэгорый грамадзян». Нагадаем, пенсіі вайскоўцаў пералічылі з выкарыстаннем карэктавальных каэфіцыентаў у 4 этапы: з 1 верасня 2017 году - 0,83; з 1 снежня 2017 году - 0,85; з 1 ліпеня 2018 году - 0,9.

З 1 студзеня гэты паказчык складае 0,95, у выніку падвышэння каэфіцыента пенсіі вайскоўцаў з пачатку гэтага года пераразлічаныя ў межах 6%. «Падвышэнне дасць магчымасць забяспечыць парытэт росту сумы, што выплачваюцца пенсій за выслугу гадоў вайсковым пенсіянерам у параўнанні з сумамі пенсій за выслугу гадоў дзяржаўных службоўцаў і працоўных пенсій з прычыны ўзросту», - тлумачылі ў галоўным фінансава-эканамічным кіраванні Мінабароны.

З 1 ліпеня гэтага года карэктавальны каэфіцыент, згодна з указам Лукашэнкі, павінны скасаваць. Адпаведна ліпеньскія пенсіі вайскоўцаў будуць вышэйшыя за чэрвеньскія на 5,5%.

Вырастуць плацяжы за гарачую ваду

У ліпені беларусы атрымаюць пацяжэлыя рахункі за чэрвень. Нагадаем, з 1 чэрвеня ў Беларусі падвысяць субсідаваныя тарыфы на цеплазабеспячэнне - ацяпленне і абаграванне вады. Яны вырастуць з 16,9259 да 18,4831 рубля за 1 Гкал. Эканамічна абгрунтаваны тарыф на гэтыя жыллёва-камунальныя паслугі застануцца на ранейшым узроўні - 88,99 рубля за 1 Гкал. Цяперашняе падаражанне паслуг цеплазабеспячэння прадугледжвае планавае падвышэннем тарыфаў на жыллёва-камунальныя паслугі ў межах 5 даляраў.

Да прыкладу, у двухпакаёвай кватэры ў Менску на 50 квадратаў, у якой прапісаны 1 чалавек, у лютым за ацяпленне трэба было заплаціць 17,2 рубля. Згодна з чэрвеньскім тарыфам за гэты ж спажыты аб'ём (1,0163 Гкал) трэба заплаціць ужо 18,78 рубля.

За гарачую ваду (за 0,4198 Гкал) у лютым у гэтай жа кватэры выйшла б 7,11 рубля. Паводле чэрвеньскіх тарыфаў выйдзе 7,76 рубля.

Падымуць кошты многіх марак цыгарэт

З 1 ліпеня падаражэюць шматлікія маркі цыгарэт. Падвышаюць кошт гарадзенская тытунёвая фабрыка «Нёман», кампанія «Тытунь-інвест», а таксама прадпрыемства «Беларусьгандаль». Некаторыя цыгарэты падаражэюць адразу на 10 капеек. Імпарцёр цыгарэт «ЭНЭРГА-ОІЛ» не будзе з 1 ліпеня падвышаць кошты.

Беларускія вытворцы і імпарцёры цыгарэт могуць кожны месяц дэклараваць максімальныя раздробныя кошты цыгарэт ды іншых тытунёвых вырабаў. Як правіла, з 1 дня падвышаюцца кошты тых ці іншых цыгарэт і ўводзяцца ў продаж новыя маркі. Спіс цыгарэт, якія падаражэюць, і максімальныя кошты можна паглядзець на сайце МПЗ.

Падымуць кошты на кнігі заўваг і прапаноў

У Беларусі падвышаюць кошт кніг заўваг і прапаноў, якія павінны быць у арганізацый і індывідуальных прадпрымальнікаў. Кошт кнігі заўваг і прапаноў падвысяць з 1 ліпеня. З гэтага дня яна будзе каштаваць 5,5 рубля. Цяпер - 4 рубля. Апошні раз кошт кніг заўваг і прапаноў падвышалі ў 2015 годзе.

Падаражэе мабільная сувязь

Кошт на асноўныя паслугі сувязі ад МТС вырасце на 4,3%. Зменяцца кошты і на тарыфы velcom A1.