Украіна афіцыйна прыпыніла ўдзел у ПАРЕ
24- 25.06.2019, 12:29
- 23,629
Пра гэта заявіў кіраўнік украінскай дэлегацыі.
Украінская дэлегацыя ў ПАРЕ афіцыйна абвясціла аб пастанове спыніць працу ў Асамблеі на знак пратэсту супраць вяртання дэлегацыі РФ.
Як паведамляе "Еўрапейская праўда", пра гэта заявіў кіраўнік дэлегацыі Уладзімір Ар’еў на сваёй старонцы ў Facebook.
Украінская дэлегацыя пастанавіла спыніць удзел у працы ПАРЕ, акрамя пытанняў, звязаных з пазбаўленнем паўнамоцтваў расейскай дэлегацыі.
Дэлегацыя звяртаецца да Вярхоўнай рады з неабходнасцю тэрмінова разгледзець пытанне прыпынення ўдзелу Украіны ў ПАРЕ надалей.
Таксама дэлегацыя звяртаецца да прэзідэнта і МЗС - неадкладна выпрацаваць выразную пазіцыю што да далейшага ўдзелу Украіны ў органах Рады Еўропы.
Як паведамлялася, у сераду ўкраінская дэлегацыя часова вернецца ў залу для ўдзелу ў абскарджанні паўнамоцтваў расейскай дэлегацыі. Украіна запатрабуе цалкам пазбавіць расейцаў паўнамоцтваў, а таксама права займаць кіроўныя пасады ў камітэтах.