Непагадзь у Кобрыне: моцны вецер ламаў дрэвы, залева затапіла вуліцы

Шквальны вецер і лівень абрынуліся на Кобрын 20 чэрвеня.

У сацсетках з'явіліся здымкі і відэа наступстваў непагадзі ў Кобрыне 20 чэрвеня. Лівень падтапіў вуліцы, моцны вецер зламаў некаторыя дрэвы, піша «Брестская газета».

Нагадаем, раніцай 20 чэрвеня праз моцны лівень «паплыў» Пінск. Двое пінчукоў нават выкарыстоўвалі ў якасці сродку перамяшчэння па вуліцы лодку.

На пятніцу ў Беларусі абвешчаны аранжавы ўзровень небяспекі. На большай частцы тэрыторыі краіны прагназуюць навальніцы, моцны вецер парывамі 15-20 м/с, ліўні, у асобных раёнах магчымы град. Удзень на Берасцейшчыне тэмпература паветра дасягне +30… +34.