Ізраіль назваў паселішчы на Галанскіх вышынях ў гонар Трампа

Раней прэзідэнт ЗША прызнаў суверэнітэт Ізраіля над Галанскімі вышынямі.

Урад Ізраіля распарадзіўся даць назву селішчу на Галанскіх вышынях у гонар прэзідэнта ЗША Дональда Трампа, піша «УНИАН».

У нядзелю, 16 чэрвеня, кабінет прэм'ер-міністра Біньяміна Нетаньяху сабраўся з гэтай нагоды на ўрачыстую сустрэчу на горным плато. Новае паселішча будзе называцца Рамат Трамп - Вышыні Трампа.

Такім чынам краіна ўшануе вялікага сябра Ізраіля Дональда Трампа, падкрэсліў Нетаньяху.

Пакуль невядома, калі пачнецца развіццё паселішча. Цяпер яно з'яўляецца ізаляваным фарпостам, дзе жыве 10 жыхароў, і Ізраіль спадзяецца, што паселішча прыцягне ўвагу грамадскасці.

25 сакавіка прэзідэнт ЗША Дональд Трамп падпісаў у Вашынгтоне ў прысутнасці прэм'ер-міністра Ізраіля Біньяміна Нетаньяху дэкларацыю аб прызнанні прыналежнасці Галанскіх вышынь, якія згодна з нормамі міжнароднага права з'яўляюцца часткай Сірыі, да Ізраіля.