16 снежня 2019, панядзелак, 15:16
Засталося зусім крыху
Рубрыкі

У Бэрліне ўначы эвакуіравалі тры тысячы чалавек праз бомбу

2
У Бэрліне ўначы эвакуіравалі тры тысячы чалавек праз бомбу
ФОТА: ASSOCIATED PRESS

У сталіцы Нямеччыны знайшлі 100-кілаграмовую бомбу.

Блізу трох тысяч чалавек павінны былі пакінуць свае дамы ў сувязі з абясшкоджваннем бомбы часоў Другой сусветнай вайны, выяўленай у цэнтры Бэрліна. Пра гэта ў суботу, 15 чэрвеня, паведамляе тэлерадыёкампанія RBB са спасылкай на паліцыю.

100-кілаграмовую амерыканскую бомбу часоў Другой сусветнай вайны знайшлі ў пятніцу ўдзень падчас будаўнічых работ недалёка ад Александэрплац у цэнтральнай частцы Бэрліна.

Паводле звестак СМІ, блізу трох тысяч жыхароў былі вымушаныя пакінуць свае дамы. На ачапленне тэрыторыі ў радыусе 300 метраў ад месца знаходкі таксама знаходзіўся дом састарэлых. Рух транспарту быў прыпынены. Пасля паўночы, калі эвакуацыя жыхароў была завершаная, пачалася аперацыя абясшкоджвання.

А 01.45 ночы паводле мясцовага часу паліцыя паведаміла аб паспяховым завяршэнні аперацыі.