ЗША перахапілі ля ўзбярэжжа Аляскі шэсць расейскіх вайсковых самалётаў
18- 22.05.2019, 9:18
- 14,477
Авіяцыя РФ ляцела двума групамі.
Амерыканскія знішчальнікі перахапілі шэсць вайсковых самалётаў РФ у міжнароднай паветранай прасторы на захад ад штата Аляска і суправаджала іх да таго часу, пакуль расейцы не пакінулі раён, які прылягае да паветранай прасторы ЗША.
Пра гэта заявілі ў камандаванні паветрана-касмічнай абароны Паўночнай Амерыкі.
NORAD fighters intercepted Russian bombers+fighters entering Alaskan ADIZ May 20. 2x Tu-95s were intercepted by 2x F-22s; a second group of 2x Tu-95+2x Su-35 was intercepted later by 2 more F-22’s; NORAD E-3 provided overall surveillance. The aircraft remained in int'l airspace pic.twitter.com/VrNuSWFOQm
— North American Aerospace Defense Command (@NORADCommand) 21 мая 2019 г.
Адзначаецца, што інцыдэнт адбыўся 20-траўня: расейскія самалёты падзяліліся на дзве групы. У першую ўваходзілі два стратэгічныя бамбавікі Ту-95, якія перахапілі два амерыканскія знішчальнікі F-22.
У другой групе былі два Тую-95 і два знішчальнікі Су-35. У аперацыі перахопу таксама ўдзельнічалі два амерыканскія F-22.
У той жа час у Мінабароны РФ заявілі, што 4 стратэгічныя ракетаносцы Ту-95МС выканалі планавыя палёты над нейтральнымі водамі Чукоцкага, Берынгава і Ахоцкага мораў, а таксама ўздоўж заходняга ўзбярэжжа Аляскі і паўночнага ўзбярэжжа Алеўцкіх выспаў.
