Менчукі выступілі супраць «змовы чыноўнікаў»
1- 15.05.2019, 10:49
- 14,069
Жыхары вуліцы Розы Люксембург абураныя карупцыяй у будаўнічай сферы.
Жыхары сталічнага шматпавярховіка, што на Ружы Люксембург, ужо некалькі месяцаў трываюць паразу ў справе незаконнага будаўніцтва падземнага паркінга ў іх дамах. Абышлі ўсе магчымыя інстанцыі, дайшлі нават да памочніка кіраўніка краіны - але безвынікова, паведамляе «Белсат».
Жыхары абвінавачваюць у праблеме акцыянернае таварыства «Лект» і бачаць у гэтай сітуацыі змову высокапастаўленых чыноўнікаў.
Збіраліся спыніць будоўлю, а катлаван рыюць далей. Павінны былі будаваць двухпавярховы паркінг, мы ж маем рысункі, якія пацвярджаюць будаўніцтва трохузроўневай падземнай-наземнай стаянкі.
Скаргі жыхароў з розных інстанцый вяртаюцца ў Менгарвыканкам, уласна туды, дзе і зацвердзілі будаўніцтва. Заказчык - акцыянернае таварыства «Лект». Яго былы кіраўнік - Аляксандр Селязнёў. Сёння ён - адзін з кіраўнікоў Галоўдзяржбудэкспертыза, якая дае дазвол на будаўніцтва. Актывіст Віктар Барташэвіч кажа пра змову чыноўнікаў і карупцыю ў будаўнічай сферы:
«Тыя, хто даваў дазвол, яны парушалі заканадаўства, і яны ведалі, што парушалі заканадаўства. А тыя, хто цяпер правярае, яны бачаць, што парушаліся законы, нарматывы, і яны павінны рабіць нейкія дзеянні. І яны або баяцца, або ў змове».
Але не баяцца жыхары дома на Ружы Люксембург - бараніць свае правы. Цяпер яны збіраюцца звярнуцца адразу і ў КДБ, і ў Вярхоўны Суд Беларусі, каб там разабраліся, чаму растуць углыб паркоўкі ў парушэнне будаўнічых нормаў.