Трамп: Мы працягнем барацьбу з «Ісламскай дзяржавай», дзе б яна сябе не праявіла
3- 24.03.2019, 12:15
- 6,734
ЗША будуць абараняць свае нацыянальныя інтарэсы.
Злучаныя Штаты працягнуць барацьбу з «Ісламскай дзяржавай» (ІДЗІЛ) і пасля вызвалення ў Сірыі горада Багуз, заявіў 23 сакавіка прэзідэнт ЗША Дональд Трамп, паведамляе «Укринформ».
Са слоў Трампа, кааліцыя вызвалілі ўсю тэрыторыю, якая была пад кантролем ІДЗІЛ у Сірыі.
«Мы працягнем сачыць за ІДЗІЛ, аб'ядноўваючы глабальныя намаганні ў барацьбе з тэрарызмам, каб змагацца з «Ісламскай дзяржавай», пакуль яна не будзе канчаткова пераможаная, дзе б яна не праявіла сябе. Злучаныя Штаты будуць абараняць амерыканскія інтарэсы, па-за залежнасці ад таго, дзе і калі гэта будзе неабходна», - заявіў Трамп.
Ён таксама заклікаў не паддавацца на прапаганду ІДЗІЛ і не далучацца да баявікоў.
Вайна ў Сірыі працягваецца з 2011 года. У баявых дзеяннях удзельнічаюць урадавыя войскі, апазіцыянеры, радыкальныя ісламісты, курды і баевікі «Ісламскай дзяржавы». У верасні 2014 года аперацыю супраць ІДЗІЛ пачала кааліцыя на чале з ЗША. У верасня 2015 г. да канфлікту ў Сірыі далучылася Расея, у жніўні 2016 га - Турцыя.
Трамп ужо аб'яўляў пра перамогу над баевікамі «Ісламскай дзяржавы» ў Сірыі 19 снежня 2018 года.
Атрады «Сірыйскіх дэмакратычных сіл» (SDF) пачалі наступ на апошні анклаў тэрарыстаў ІДЗІЛ - горад Багуз - 9 лютага 2019 года. Пасля захопу некалькіх пазіцый тэрарысты пачалі контрнаступленне, якое байцы SDF адбілі.
2 сакавіка SDF заявілі пра пачатак аперацыі па вызваленні апошняга падкантрольнага баявікам ІДЗІЛ горада Багуз у Сірыі. 23 сакавіка ў SDF заявілі пра паспяховае завяршэнне штурму Багуз.
У Пентагоне мяркуюць, што без пастаяннага ваеннага ціску ІДЗІЛ зможа за паўгода-год адваяваць тэрыторыі ў Сірыі.