У Канадзе стварылі прэпарат супраць страты памяці ў пажылым узросце
11- 22.02.2019, 19:09
- 14,675
Прэпарат будзе рэкамендаваны да паўсядзённага ўжывання пажылым людзям ад 55-60 гадоў.
Эксперыментальны прэпарат, які аднаўляе слабыя клеткі мозгу, дае надзею на лячэнне страты памяці, праблемы з прыняццем рашэнняў і псіхічных парушэнняў, якія ў людзей часта ўзнікаюць пад старасць, піша theguardian.com.
Клінічныя выпрабаванні лекаў пачнуцца праз два гады. У выпадку пацверджання яго бяспекі, а таксама эфектыўнасці, прэпарат будзе рэкамендаваны да паўсядзённага ўжывання пажылым людзям ад 55-60 гадоў.
На гэты момант лабараторныя выпрабаванні паказалі, што навыкі памяці ў старых мышэй паляпшаліся ўжо праз гадзіну пасля прыёму. Адбываецца хуткая ліквідацыя ўзроставага дэфіцыту працоўнай памяці.
А пасля двух месяцаў ужывання мазгавыя клеткі, якія скараціліся, аднаўлялі сваю працу на поўную моц.
Навукоўца з Цэнтра залежнасці і псіхічнага здароўя ў Таронта Іт’ен Сібіель сказаў, што прымяненне прэпарата нацэленае не толькі для лячэнне «нармальнага» скарачэння кагнітыўных магчымасцяў, якое прыводзіць да паступовай страты памяці, але і ў выпадку ўзнікнення парушэнняў, якія ў людзей часта звязаныя з дэпрэсіяй, шызафрэніяй і хваробай Альцгеймера.
На рынку цяпер няма лекаў, якія б былі прызначаныя для паляпшэння памяці ў старасці або пры псіхічных разладаў. Аднак, навукоўцы з Таронта перакананыя, што іх распрацоўка зможа нават павярнуць працэс страты памяці, стымулюючы канкрэтныя клеткі, звязаныя з навучаннем і запамінаннем, адраджаючы іх.