Мянчук: На наступную акцыю, калі не пусцяць з працы, то уцяку

Беларусы гатовыя змагацца на незалежнасць краіны.

Сёння ў Менску другі дзень запар праходзяць акцыі пратэсту супраць так званай «інтэграцыі» Беларусі і Расеі.

Мянчук Канстанцін распавёў, чаму ён далучыўся да акцыі:

- Учора я быў на працы, гандляваў, але глядзеў стрым з акцыі і даведаўся, што сёння яе працяг. Уяўляеце, 20 гадоў гэтай бесталковай «саюзнай дзяржаве»! Маё меркаванне, што ў Беларусі павінен быць нейтралітэт у многіх пытаннях. У нашай краіне не павінна быць расейскіх баз, нічога падобнага!

Хачу сказаць, што я за адзіную, незалежную краіну. Толькі так! Ведаеце, яшчэ ўчора трэба было адпрасіцца з працы. На наступную акцыю, калі не пусцяць з працы, то ўцяку.