Беларуска на Плошчы: Трэба будзе выйсці на барыкады – выйдзем

Сёння – вельмі важны момант у жыцці краіны.

Сёння ў цэнтры Менска праходзіць акцыя, накіраваная на абарону незалежнасці і суверэнітэту Беларусі. У ёй удзельнічаюць ужо некалькі тысячаў чалавек.

Пасля таго як удзельнікі акцыі прайшлі маршам па ўсім цэнтры Менска і вярнуліся на Кастрычніцкую плошчу, адна з пратэстоўцаў апавяла журналістам:

«Калі Лукашэнка падпіша ў Расеі інтэграцыйныя пагадненні, будзем пратэставаць, таму што нам гэта вельмі баліць. Трэба будзе выйсці на барыкады – выйдзем, гаворка ідзе пра незалежнасць. Гэта вельмі важныя момант».