У Адэсе гарыць будынак каледжа: Шмат пацярпелых
7- 4.12.2019, 14:00
- 19,704
Горад зацягнула дымам.
У сераду, 4 снежня, у будынку Адэскага каледжа эканомікі, права і гатэльна-рэстараннага бізнэсу пачаўся пажар, паведамляе nv.ua.
Паводле звестак ратавальнікаў, пажар узнік на трэцім паверсе шасціпавярховага будынка. Плошча загарання складае блізу 700 м кв.
Праходзіць эвакуацыя.
Як паведамляе Думская, дом на рагу Пушкінскай і Траецкай вуліцаў – помнік архітэктуры. Акрамя каледжа там размяшчаецца шэраг фірмаў і ўстановаў, у тым ліку Інстытут марской біялогіі і адэскі філіял Інстытута археалогіі НАН Украіны.
На стан 11-й паведамляецца, што не менш за дзесяць чалавек пацярпелі.
На месцы інцыдэнту шмат хуткіх і пажарных машынаў. Горад зацягнула дымам.