На YouTube з'явіўся канал, дзе беларусы патрабуюць, каб Лукашэнка сышоў
18- 4.12.2019, 8:37
- 36,747
На канале за кароткі час з'явіліся сотні зваротаў.
Youtube-канал «Лукашэнка, не балатуйся, адпачні!» з'явіўся тыдзень таму, сёння на ім ужо больш за 370 відэа.
Людзі запісваюць свае відэазвароты дома, у машынах, на працоўных месцах і нават на фоне службовых урадавых машынаў ля Дома ўрада. Сярод тых, хто выказаўся, ёсць лекары, настаўнікі, працоўныя з заводаў, менчукі і жыхары рэгіёнаў, школьнікі і пенсіянеры, піша the-village.me.
Большасць людзей на відэа кажуць стандартны тэкст: называюць сваё імя і прозвішча, сваё грамадзянства або месца жыхарства і прамаўляюць фразу «Я супраць таго, каб Аляксандр Лукашэнка балатаваўся ў прэзідэнты ў 2020 годзе». Некаторыя заадно паведамляюць, што яны супраць інтэграцыі з Расеяй.
Канал з'явіўся як рэакцыя на словы Лукашэнкі, якія ён вымавіў падчас «парламенцкіх выбараў»:
– Калі людзі мяне не падтрымаюць на нейкіх выбарах, я на іх не пакрыўджуся. Я ўжо папрацаваў прыстойную колькасць гадоў. Гэта вы думайце, вылучацца мне на гэтых «выбарах» або не... Я сваю кандыдатуру прапаную на гэтых «выбарах». Але калі буду адчуваць, што вы катэгарычна супраць, вядома, буду перажываць, але тым не менш вы павінны маю кандыдатуру адкінуць на «выбарах». І я паабяцаў, што сінімі пальцамі за крэсла трымацца не буду.
«Гэты канал створаны і выкарыстоўваецца выключна для надання магчымасці беларусам рэалізаваць сваё права на свабоду меркаванняў, перакананняў і іх свабоднае выказванне, гарантаванае арт. 33 Канстытуцыі РБ», – кажуць ягоныя стваральнікі.