Пусты выхлап Пуціна

Пра вынікі саміту ў Парыжы.

Саміт кіраўнікоў дзяржаў нармандскага фармату, які адбыўся 9 снежня ў Парыжы, не даў выніку. Такое меркаванне 14 снежня ў эфіры радыёстанцыі Эхо Москвы выказаў яе галоўны рэдактар Аляксей Венедыкт.

«Рыхтаваліся вельмі сур'ёзна і французскі, і нямецкі, і расейскі, і ўкраінскія бакі, наколькі я ведаю. Але ў выніку, калі казаць пра ўзровень сустрэчы ў Парыжы і пра вынік - гэта быў пусты выхлап. Таму што, напраўду, дамовіцца пра абмен усіх на ўсіх - для гэтага прэзідэнтам не трэба было сустракацца. А калі дамовіцца пра развядзенне па частках ад мяжы - таксама прэзідэнтам не трэба было сустракацца», - сказаў ён.

Са слоў журналіста, удзельнікі дэлегацый дзвюх краін сказалі яму, што саміт быў патрэбны, каб «ажывіць» менскі працэс.

«Ну, калі для ажыўлення, там папырскаць, адпаведна, жывой вадзіцай, і ўсе там заварушылася. Ніхто нічога не атрымаў, напраўду, вось з пункту гледжання палітычнага. Ёсць жа такая практычная рэч - развядзенне, абмен палоннымі. Вельмі важна ўсё. яшчэ раз паўтараю, для прэзідэнтаў гэта важна. Маю на ўвазе, што гэта можна было і без іх зрабіць. То бок, не без іх, а па тэлефоне, як гэта было зроблена ў жніўні месяцы. Уласна, нічога не змянілася», - адзначыў Венедыкт.

Ён уважае, што значэнне саміту ў Парыжы «празмерна раздутае».

9 снежня ў Парыжы адбыўся першы за тры гады саміт лідараў «нармандскай чацвёркі» - Украіны, Францыі, Нямеччыны і Расеі - з нагоды ўрэгулявання сітуацыі на Данбасе. Ён працягваўся блізу васьмі гадзін. У рамках саміту лідары дзяржаў правялі двухбаковыя перамовы, у тым ліку адбылася сустрэча прэзідэнта Украіны Уладзіміра Зяленскага і прэзідэнта РФ Уладзіміра Пуціна. Бакі дамовіліся да канца года ўзгадніць поўнае спыненне агню і абмен зняволенымі асобамі ў фармаце «ўсіх на ўсіх», абмеркавалі пашырэнне мандата назіральнай місіі АБСЕ і анансавалі новы саміт «Нармандскай чацвёркі» праз чатыры месяцы.