Найлепшы футбольны клуб Еўропы прыняў важную пастанову што да галоўнага трэнера
1- 13.12.2019, 20:14
- 12,049
Рашэнне звязана з кантрактам Юргена Клопа.
Ангельскі «Ліверпуль» аб'явіў пра працяг кантракта з галоўным трэнерам Юргенам Клопам.
Пра гэта паведамляе apostrophe.ua са спасылкай на афіцыйны сайт клуба.
Новы кантракт нямецкага настаўніка з клубам будзе дзейнічаць да лета 2024 года.
«Калі ў 2015 годзе мяне запрасілі ў «Ліверпуль», то я адчуў, што мы ідэальна падыходзім адзін аднаму. Цяпер я ведаю, што нават не разумеў наколькі», - сказаў Клоп.
У мінулым сезоне мерсісайдцы пад кіраўніцтвам Клопа сталі найлепшым клубам Еўропы, выйграўшы Лігу чэмпіёнаў. У пачатку гэтага сезоне «Ліверпуль» выйграў Суперкубак УЕФА.
«Ліверпуль» гарантаваў сабе выхад у 1/8 фіналу Лігі чэмпіёнаў сезона-2019/20.