У Літве 2020-ы абвешчаны Годам Яна Паўла II
1- 13.12.2019, 18:51
- 6,393
Такую пастанову Сойм Літвы прыняў, каб ушанаваць памяць Папы Рымскага польскага паходжання.
Літоўскі парламент абвясціў 2020-ы Годам Яна Паўла II. Такую пастанову Сойм Літвы прыняў, каб ушанаваць памяць Папы Рымскага польскага паходжання. З гэтай ініцыятывай выступіла Перадвыбарная акцыя палякаў у Літве - Саюз хрысціянскіх сем'яў, паведамляе «Польское радио».
Пастанову ў гэтым пытанні Сойм прыняў аднагалосна. У пастанове гаворыцца, што Ян Павел II быў першым папам, які наведаў Літву, і яго паломніцтва ў 1993 годзе стала вялікай маральнай і дыпламатычнай падтрымкай для краіны неўзабаве пасля аднаўлення незалежнасці.
Паводле прапановы Сойма ўрад Літвы цяпер распрацуе праграму святкавання Года Яна Паўла II.