Прапагандыстаў расейскага «НТВ» у Барыспалі развярнулі назад у РФ
12- 13.12.2019, 18:20
- 21,167
Украінскія памежнікі не паверылі мэце прыезду расейцаў.
Здымачную групу расейскіх прапагандыстаў тэлеканала «НТВ» не пусцілі ва Украіну, калі тыя праходзілі пункт кантролю ў аэрапорце «Барыспаль».
Пра гэта ў эфіры НТВ паведаміў адзін з вядучых тэлеканалу Сяргей Савін, піша сайт unian.net.
З ягоных слоў, яны адразу распавялі памежнікам пра тое, хто яны такія, адкуль і назвалі мэту паездкі. Расейцы сцвярджалі, што прыехалі ва Украіну даведацца больш пра справу забітага Паўла Шарамета, газавыя перамовы і абмен палоннымі.
Падчас праверкі дакументаў усё праходзіла ветліва і дыпламатычна, падкрэсліў Савін.
«Затым запрасілі да адказнай асобы, была ўручаная пастанова: адмова ў перасячэнні дзяржаўнай мяжы на ўезд ва Украіну. Афіцыйная прычына - я не змог пацвердзіць мэту запланаванага знаходжання тут», - сказаў ён.