Жыццё аўтамабіліста ў Беларусі падаражэе з 1 студзеня
14- 13.12.2019, 8:40
- 38,952
Што за нечаканку падрыхтавалі кіроўцам да Новага года?
У Беларусі прапануецца павялічыць базавую велічыню да 27 рублёў. Адпаведны праект пастановы знаходзіцца на разглядзе ў Савеце Міністраў, паведамляе БелТА са спасылкай на прэс-службу Міністэрства фінансаў.
Як адзначылі ва ўстанове, звычайна базавая велічыня ў Беларусі павялічваецца з 1 студзеня.
Цяпер дзейны памер базавай велічыні роўны 25,5 рублёў і быў вызначаны з 1 студзеня 2019 года.
Павелічэнне базавай велічыні для аўтамабілістаў значыць, што вырастуць плацяжы, якія залежаць ад памеру базавай велічыні, у тым ліку штрафы за парушэнне ПДР і не толькі. Павялічыцца дзяржмыта за ўдзел аўто ў дарожным руху, падаражэюць паслугі ДАІ, у тым ліку атрыманне пасведчання кіроўцы, дубліката, талона да пасведчання кіроўцы, здача экзаменаў у ДАІ, рэгістрацыя / зняцце з уліку транспарту.