У Нарвегіі выявілі 1000-гадовы карабель

Яго знайшлі на востраве Эдой.

Карабель, які можа належыць да перыяду да вікінгаў, быў знойдзены ў заходняй частцы Нарвегіі ў акрузе Ромсдал, піша «Вокруг света».

Геарадар высокага дазволу «выявіў сляды пахавання карабля і паселішчы, якія, верагодна, адносяцца да перыяду Меравінгаў або вікінгаў на востраве Эдой», падкрэсліваюць археолагі.

Эдой размешчаны на суднаходным шляху ў Транхейм, недалёка ад таго месца, дзе, паводле паданняў, кароль Харальд правёў дзве марскія бітвы, здабыўшы ўладу ў Нарвегіі ў канцы 800-х гадоў.

«Гэта захапляльна. І зноў гэтая тэхналогія дапамагае нам знайсці яшчэ адзін карабель. Па меры таго, як тэхналогія прасоўваецца наперад, мы ўсё больш і больш даведаемся пра наша мінулае. Пакуль рана казаць нешта пэўнае пра дату стварэння карабля, але мы ведаем, што яму больш за 1000 гадоў», - сказаў Кнут Паашэ, кіраўнік аддзела лічбавай археалогіі ў NIKU і экспэрт па караблях вікінгаў.

Рэшткі карабля знаходзяцца крыху ніжэй верхняга пласта глебы ў раёне, дзе раней знаходзіўся курган. Даўжыня кіля паказвае на тое, што даўжыня карабля магла складаць 16-17 метраў. Навукоўцы таксама заўважылі сляды старажытных паселішчаў, але яны пакуль не раскапаныя.