Пазыкі беларускіх прадпрыемстваў перавысілі ВУП краіны

У гэтым годзе статыстыка крэдытаў і пазык амаль кожны месяц фіксуе новыя «рэкорды».

Запазычанасць буйных і сярэдніх беларускіх прадпрыемстваў складае 128,2 мільярда рублёў. Пазыкі буйных і сярэдніх беларускіх прадпрыемстваў складаюць 128,2 мільярда рублёў, піша kp.by.

У гэтым годзе афіцыйная статыстыка крэдытаў і пазык амаль кожны месяц фіксуе новыя рэкорды. Нядаўна Нацбанк паведамляў пра тое, што пазыкі беларусаў банкам дасягнулі без малога 13,5 мільярда рублёў. І вось новыя звесткі, гэтым разам аб абавязках прадпрыемстваў.

На пачатак кастрычніка гэтага года буйныя і сярэднія арганізацыі краіны завінаваціліся банкам і адзін аднаму 128,2 мільярда рублёў. Для параўнання, ВУП Беларусі ў мінулым годзе склаў 121,6 мільярда. Банкаўскае крэдытаванне прадпрыемстваў з пачатку года вырасла на 3,7%, а калі параўнаць з дадзенымі кастрычніка 2018 года, то рост і зусім склаў 5,3%.

За дзевяць месяцаў бягучага года сумарная запазычанасць павялічылася амаль на 4,6 мільярда. Абавязак 128,2 мільярда складаецца з двух кампанентаў: 75,9 мільярда - завінавачанасць прадпрыемстваў за крэдыты і пазыкі, 52,3 мільярда - крэдыторская запазычанасць, гэта значыць абавязкі пастаўшчыкам, выканаўцам, работнікам. Сума пратэрміноўкі за пазыкі складае 10,7 мільярда, радуе, што за дзевяць месяцаў яна знізілася амаль на паўмільярда рублёў (-4%).

Статыстыкі адзначаюць, што больш за ўсё пазык (57,1 мільярда рублёў) у апрацоўчай прамысловасці. Завінавачанасці прадпрыемстваў харчовай прамысловасці - 13,6 мільярда, дрэваапрацоўкі - 8,1 мільярда. Больш за ўсё ў 2019 годзе павялічыліся завінавачанасці транспартнікаў (рост склаў 75,7%, або 5,4 мільярда рублёў) і ў будаўніцтве (+ 19, 1% ці 15,3 мільярда). Аднак у некаторых галінах завінавачанасці зніжаюцца: у энэргетыцы яны зменшыліся на 10,7% (да 4,5 мільярда), а ў прафесійнай, навуковай і тэхнічнай дзейнасці - на цэлых 23% (да 6 мільярдаў рублёў).

Толькі лічбы

Як змянілася запазычанасць прадпрыемстваў і арганізацый за дзевяць месяцаў 2019 года

Менск - 34,8 мільярда (+4,4%)

Гомельская вобласць - 21 мільярд (-0,5%)

Менская вобласць - 20,6 мільярда (+9,1%)

Гарадзенская вобласць - 19,9 (+2,7%)

Магілёўская вобласць - 11,9 мільярда (+2,4%)

Віцебская вобласць - 11,5 мільярда (+2,6%)

Берасцейская вобласць - 8,4 мільярда (+4,9%)