У Гаазе далі ход справе супраць Расеі

Гаворка ідзе пра захоп украінскіх караблёў.

Украіна атрымала першы працэдурны загад Арбітражнага Трыбунала паводле справы «Спрэчка аб затрыманні трох украінскіх вайскова-марскіх караблёў і чальцоў іх экіпажаў».

Пра гэта паведамляе намеснік міністра замежных спраў Украіны Алена Зеркаль на сваёй старонцы ў Facebook, піша apostrophe.ua.

«Для нас было вельмі важна зафіксаваць у назве не толькі парушэнне Расеяй нормаў міжнароднага права, але і адлюстраваць, што гэтая спрэчка тычыцца нашых маракоў, якія правялі 9 месяцаў у турме. І Арбітраж нас пачуў», - напісала яна.

Зеркаль адзначыла, што Расеі на ўдалося зацягнуць Украіну і Арбітраж ў доўгі і шматступенны працэс. Згодна з раскладам мы павінны прадставіць свой Мемарандум за 6 месяцаў, але ніхто не перашкаджае нам падрыхтаваць і падаць яго раней.

«І з моманту падачы Мемарандума ў расейцаў будзе 3 месяцы для таго, каб скарыстацца сваім правам і выказаць пярэчанні адносна юрысдыкцыі - згуляць у іх улюбёную гульню аспрэчвання права арбітражу разглядаць гэтую справу, выкарыстоўваючы ўжо зразумелую лінію, якую яны безвынікова спрабавалі навязаць суддзям ў Гамбургу аб выключэнні з іх кампетэнцыі ваеннай дзейнасці. Паколькі ваенная дзейнасць у адпаведнасці з заявай, зробленай Расеяй да Канвенцыі, выключаная з юрысдыкцыі як Міжнароднага трыбунала ў марскім праве, так і Арбітражнага Трыбунала», - падкрэсліла міністр.

Пры гэтым ва Украіны ёсць права пракаментаваць пярэчанні расейцаў і звярнуцца да арбітражу з просьбай іх адхіліць. Наша пазіцыя палягае ў тым, што развязваць пытанне юрысдыкцыі ў гэтай справе асобна ад разгляду фактаў немагчыма.

«Адпаведна, Арбітраж павінен вызначыць, ці сапраўды ёсць падставы для падзелу працэсу на 2 стадыі (юрысдыкцыйных і па сутнасці) і прыме пастанову аб далейшых стадыях разгляду справы. У выпадку прыняцця пастанову аб падзеле працэсу на 2 стадыі мы атрымаем 3 месяцы на падрыхтоўку адказу на расейскія пярэчанні. Калі падзел не адбудзецца, то расейцы будуць вымушаныя падаць свой Контр-Мемарандум цягам 6 месяцаў з даты вынясення Арбітражам пастанову аб адхіленні разгляду папярэдніх пярэчанняў РФ на юрысдыкцыйнай стадыі», - напісала Зеркаль.

Арбітраж таксама вызначыў, што пісьмовыя пазіцыі бакоў будуць апублікаваныя ў момант пачатку вусных слуханняў. Акрамя таго, прамовы агентаў будуць адкрытымі, а па доступе грамадскасці да астатніх слуханняў, пастановы будуць прынятыя арбітражам дадаткова напярэдадні слуханняў. Такім чынам, РФ не здолее схаваць факты і свае парушэнні ад шырокай грамадскасці і сказіць гісторыю.

«Вядома, гэтая справа не будзе вельмі хуткай, але ўпэўненая, што за годнасць і свабоду трэба змагацца да канца! Мэтай з'яўляецца прызнанне РФ краінай, якая парушае ваенныя імунітэты і атрыманне належнай кампенсацыі», - адзначыла міністр.