Які будзе надвор'е на выходных
1- 22.11.2019, 22:34
- 12,828
Прагноз надвор'я па Беларусі на 23 - 25 лістапада.
23 лістапада ўмовы надвор'я на тэрыторыі Беларусі будзе вызначаць перыферыя антыцыклону, сфарміраваная ў халодным паветры. Чакаецца пераменная воблачнасць. Без ападкаў, піша Гідрамет.
Вецер паўднёва-ўсходні ўмераны да парывістага. Тэмпература паветра мінімальная ўначы -7..- 13°С, на захадзе -2.. -6°С, максімальная ўдзень -5.. +1°С. Атмасферны ціск будзе падаць.
24-25 лістапада захаваецца ўплыў заходняй перыферыі арктычнага антыцыклону.
24 лістапада прагназуецца невялікая воблачнасць і пераважна без ападкаў. Вецер паўднёва-ўсходні ўмераны, месцамі парывісты. Тэмпература паветра мінімальная ўначы ад -2°С на паўднёвым захадзе да -13°С на ўсходзе краіны; максімальная ўдзень -4.. +2°С.
25 лістапада захаваецца воблачнае з праясненнямі надвор'е. Пераважна без ападкаў, толькі ў асобных раёнах на крайнім паўднёвым захадзе краіны магчымыя кароткачасовыя ападкі (дождж, мокры снег), слабы галалёд. Вецер паўднёва-ўсходні ўмераны. Тэмпература паветра мінімальная ўначы -3.. - 10°С, на ўсходзе месцамі да -13°С, у заходніх раёнах -2.. +1°С, максімальная ўдзень -4.. +3°С.