Сціплы падарунак мужа стаў для амерыканкі нечаканым багаццем

Муж і жонка прызналіся, што такога не чакалі.

Жыхар амерыканскай акругі Мантгомеры, штат Мэрыленд, падарыў жонцы выйгрышны латарэйны білет. Пра гэта паведамляе інфармацыйны партал UPI (пераклад - lenta.ru).

75-гадовы мужчына, які пажадаў захаваць ананімнасць, адзначыў, што ягоная жонка часова не здольная выйсці з дому. Ён наважыў парадаваць яе і набыў некалькі квіткоў імгненнай латарэі. Жонка тут жа праверыла вынікі розыгрышаў праз мабільнае прыкладанне.

У выніку адзін з квіткоў, які каштаваў 20 даляраў, прынёс выйгрыш 50 тысяч даляраў.

«Такога мы не чакалі», - прызнаўся амерыканец. Ён рэзюмаваў, што частка выйграных грошай пойдзе на выплату пазык, а астатнюю суму яны зберагуць на будучае.