Якія нормы правозу тавараў з-за мяжы і якія мыты пры іх перавышэнні?

Цяпер беларусы могуць бязмытна ўвезці ў Беларусь тавары на 500 еўраў і вагой да 25 кілаграмаў.

У краінах ЕАЭС, у які ўваходзіць і Беларусь, з 1 студзеня 2020 года ў 2 разы знізяць мыту за надмерную вагу пасылак з-за мяжы, піша tut.by.

Пры гэтым мытныя зборы за надмерную вагу тавараў пры правозе праз мяжу застануцца ранейшымі. Яны складаюць 30% ад вартасці, але не менш як 4 еўры за 1 кг вагі з перавышэння нормаў у вартасці або вазе. Але ў некаторых выпадках мытныя зборы бяруцца з вартасці ўсяго тавару, а не з перавышэння лімітаў. Што гэта за сітуацыі і якія сумы мытаў?

Якія нормы правозу тавараў і якія мыты пры іх перавышэнні?

Цяпер беларусы могуць бязмытна ўвезці ў Беларусь тавары на 500 еўраў і вагой да 25 кілаграмаў. Пры ўездзе часцей за адзін раз на 3 каляндарныя месяцы норма бязмытнага ўвозу тавараў складае 300 еўраў і 20 кілаграмаў.

Пры пералёце мяжы авіятранспартам ліміты на тавары засталіся ранейшымі - на суму да 10 000 еўраў і вагой не больш за 50 кілаграмаў, незалежна ад колькасці выпраў за мяжу.

У жніўні гэтага года ў Беларусі адкарэктавалі правілы ўвозу тавараў фізічнымі асобамі для асабістага карыстання з-за мяжы і ўзмацнілі нормы ў тым ліку для тых, хто ездзіць за мяжу часцей як раз на тыдзень. Беларусы, якія ездзяць за мяжу часцей як раз на каляндарны дзень, зараз могуць правезці не больш за 1 кг прадуктаў харчавання, не больш за 0,1 літра алкаголю, не больш за 20 штук цыгарэт. Пры гэтым яны змогуць правезці толькі тавары, якія былі ва ўжытку і неабходныя ў дарозе і (або) месцы прызначэння.

Тыя, хто ездзіць за мяжу часцей як раз на 7 каляндарных дзён, змогуць правезці не больш за 5 кг прадуктаў харчавання, не больш за 1 літр алкаголю, не больш за 40 штук цыгарэт. Што да правозу рэчаў для асабістага карыстання, то ліміт складзе не больш за 1 адзінку кожнага наймення тавару.

За перавышэнне нормаў увозу тавараў трэба заплаціць мыту 30% ад вартасці, але не менш як 4 еўры за 1 кг вагі з перавышэння нормаў у вартасці або вазе. Да гэтай сумы трэба дадаць збор 10 рублёў за здзяйсненне мытных аперацый.

Да прыкладу, вы ўвозіце тавар вагой 32 кілаграмы і вартасцю 650 еўраў, то бок перавышаеце нормы вартасці на 150 еўраў. Мыта складзе ў такім выпадку 45 еўраў (650 еўра - 500 еўраў ліміту = 150 еўраў. Гэтую суму памнажаем на 30%, выходзіць 45 еўраў). Плюс 10 рублёў за мытныя аперацыі.

У якіх выпадках мыту бяруць з усёй вартасці тавару, а не з перавышэння?

Але ў некаторых сітуацыях мыту спаганяюць з усёй вартасці тавару, а не з перавышэння. Гэта датычыцца непадзельных тавараў, гэта значыць вага якіх перавышае 35 кілаграмаў. У дачыненні да іх незалежна ад вартасці, вагі і чашчыні пераходу вамі мяжы трэба заплаціць мыты, падаткі паводле адзінай стаўкі 30% ад вартасці, але не менш як 4 еўры за 1 кг агульнай вагі.

Да прыкладу, калі ўвозіць дубовы стол вагой 48 кілаграмаў і вартасцю 250 еўраў, то трэба будзе заплаціць мыту 192 еўры і збор 10 рублёў.

Выходіць, што 30% ад вартасці дубовага стала складаюць 75 еўраў, а за перавышэнне вагі - 192 еўры (48 кілаграмаў памнажаем на 4 еўры). Спаганяюць тую мыту, якая выходзіць большай - у вазе або ў вартасці.

Але калі ўвозіць непадзельны тавар вагой да 35 кілаграмаў з перавышэннем лімітаў, то за яго возьмуць мыту 30% ад вартасці, але не меншую як 4 еўры за 1 кг вагі з перавышэння нормаў вартасці або вагі. То бок, не з усёй вартасці тавару, а з перавышэння.

А калі непадзельныя тавары ўпісваюцца ў нормы - 25 кілаграмаў і 500 еўраў (20 кілаграмаў і 300 еўра для тых, хто ездзіць за мяжу часцей як раз на 3 месяцы), то мыту наогул не трэба плаціць. Пры ўмове, што астатнія тавары ў суме з непадзельным ўпісваюцца ў гэтыя бязмытныя ліміты. Да прыкладу, калі увозіць лескі вагой 18 кілаграмаў і вартасцю 140 еўраў, то мыту плаціць не трэба.

Важны момант: калі вы ўвозіце непадзельны тавар вагой большай за 35 кілаграмаў, то дадаткова можна завезці бязмытна тавары, вартасць якіх не перавышае 500 еўраў і вага якіх не перавышае 25 кілаграмаў (300 еўра і 20 кілаграмаў для тых, хто ездзіць за мяжу часцей як раз на 3 месяца).