Відэафакт: Гістарычнае пасяджэнне Берасцейскай акруговай выбарчай камісіі
36- 24.10.2019, 13:14
- 24,574
Кандыдатка ў «дэпутаты» Паліна Шарэнда-Панасюк працягвае барацьбу.
Сёння з «выбараў» была знятая вядомая актывістка грамадзянскай кампаніі «Еўрапейская Беларусь» Паліна Шарэнда-Панасюк.
Яе знялі за актыўную агітацыйную кампанію і яркі выступу на беларускай тэлевізіі.
Пастанову аб зняцці прымалі Наўмовец Тамара Уладзіміраўна, старшыня Брэсцкай акруговай выбарчай камісіі, і ейная намесніца Капусціна Людміла Георгіеўна.
А гістарычнае пасяджэнне Берэсцейскай акруговай выбарчай камісіі зняў вядомы блогер Сяргей Пятрухін.
Штаб Паліны Шарэнда-Панасюк абскарджвае незаконную пастанову камісіі. "Паводле закону, Паліна з'яўляецца кандыдаткай, і мы будзем працягваць агітацыйную кампанію. Нашы агітацыйныя пікеты будуць трываць - і мы ўсіх на іх запрашаем. Барацьба прадаўжаецца!», - заявіў Андрэй Шарэнда, давераная асоба кандыдата ад «Еўрапейскай Беларусі».