Тэлескоп Хабл зрабіў здымак першай міжзоркавай каметы

Камету назвалі C/2019 Q4 (Borisov).

Тэлескоп Хабл падарыў астраномам самую выразную на сёння выяву C/2019 Q4 (Borisov) - першай вядомай навуцы міжзоркавай каметы, піша «Вокруг света».

Касмічны тэлескоп Хабл, кіраваны НАСА і Еўрапейскім касмічным агенцтвам, зрабіў здымак першай міжзоркавай каметы, падаўшы астраномам самы выразны на сёння малюнак гэтага таямнічага аб'екта.

Адзіным іншым вядомым аб'ектам з іншай сонечнай сістэмы, прызнаным навукай, з'яўляецца міжзоркавы астэроід Аўмуамуа. Аналіз яго арбіты паказаў, што ён нарадзіўся за межамі Сонечнай сістэмы і пралятае праз яе з хуткасцю 26,33 кіламетра за секунду.

Назіранні за каметай

Камету назвалі C/2019 Q4 (Borisov) - імем астранома-аматара Генадзя Барысава, які зрабіў адкрыццё. Яна адрозніваецца ад 1I/Аўмуамуа не толькі наяўнасцю хваста, але і хуткасцю, якая ў яе прыкметна вышэйшая. Камета праносіцца праз нашу сістэму з сярэднім адхіленнем ад прамой траекторыі - «навылёт».

Праз такія незвычайныя параметры Цэнтр малых планет, размешчаны ў ЗША, дастаткова доўга звяраў назіранні новага цела рознымі тэлескопамі ва ўсім свеце, каб пераканацца, што яго вельмі экзатычныя параметры траекторыі - не памылка назіранняў, а рэальнасць. 12 верасня 2019 года ён афіцыйна прызнаў адкрыццё.

Першыя фатаграфіі каметы былі зробленыя ў ноч з 9 на 10 верасня, калі камету ўпершыню ўбачылі ў адзін з тэлескопаў абсерваторыі Джэміні на гары Маўна-Кеа (Гаваі, ЗША). Каб атрымаць фінальны каляровы малюнак, даследчыкі злучылі некалькі здымкаў, зробленых у двух каляровых фільтрах.

Новы малюнак з Хабла паказаў, што вакол ядра каметы сканцэнтраваны пыл. Са слоў даследнікаў, хоць іншая зорная сістэма можа моцна адрознівацца ад нашай, уласцівасці каметы вельмі падобныя на ўласцівасці аб'ектаў з нашай Сонечнай сістэмы.