Эрдаган выставіў умову прыпынення наступу ў Сірыі
11- 16.10.2019, 14:49
- 19,055
Прэзідэнт Турцыі выступіў з заявай.
Наступ Турцыі на паўночным усходзе Сірыі скончыцца, калі курдскія атрады ў рэгіёне складуць зброю і выйдуць з запланаванай «бяспечнай зоны», заявіў у сераду прэзідэнт Раджэп Таіп Эрдаган.
Пра гэта паведамляе «Европейская правда» са спасылкай на Reuters.
Эрдаган папярэдзіў: калі гэта ўмова не будзе выкананая, ніводная ўлада не зможа спыніць турэцкую аперацыю.
Эрдаган заявіў, што самым хуткім развязаннем для курдскіх груп будзе здача зброі і выхад з раёна «да вечара» серады, 16 кастрычніка.
З ягоных слоў, пагадненне будзе дасягнутае, калі будзе створаная «бяспечная зона», і Турцыя гэта не абмяркоўвае.
У рамках аперацыі ад «тэрарыстаў» ачышчаныя 1200 кв. км тэрыторыі Сірыі, адзначыў турэцкі лідар.
ЗША на днях абвясцілі санкцыі супраць міністэрстваў абароны і энэргетыкі Турцыі, а таксама міністраў абароны, энэргетыкі і ўнутраных спраў. Дональд Трамп таксама заявіў, што павысіць падаткі на імпарт турэцкай сталі і касуе перамовы аб гандлёвым пагадненні на 100 млрд даляраў.
Эрдаган кажа, што не спыніцца нават нягледзячы на санкцыі ЗША і эмбарга еўрапейскіх краін на ўзбраенне.
Анкара плануе перасяліць 3,5 мільёна сірыйцаў у бяспечную зону, якая знаходзіцца ў 30 км на тэрыторыі Сірыі, што распасціраецца ад ракі Еўфрат да іракскай мяжы ўключна з горадам Манбіджам.