У Беларусь прыйшло цяпло, якое бывае раз на 20-25 гадоў

Даставайце лёгкую вопратку - удзень у Беларусі будзе па-летняму цёпла.

Кастрычнік у Беларусі выдаўся на рэдкасць няўстойлівым: цяпло змянялася начнымі замаразкамі, дажджы - снегам, а ў сярэдзіне месяца раптам пачуўся звон тэмпературных рэкордаў, піша kp.by.

Белгідрамет паведамляе, што ў мінулую нядзелю сярэднедзённая тэмпература паветра трымалася на 11-16°С, што на 4-8 градусаў вышэй за норму!

Калі не звяртаць увагу на жоўтае лісце і давяраць толькі тэрмометру, то можа здацца, што за акном лета! Напрыклад, сярэдняя тэмпература паветра ў гэтым ліпені склала +17,1°С. З гэтай нагоды ў сацсетках нават з'явіліся жарты: «Не дарма ліпень мужчынскага полу: прыйшоў, калі ўжо не трэба» і «Ішоў чацвёрты месяц лета».

- Цяплей за ўсё было на поўдні краіны. Упершыню за ўсю гісторыю метэаназіранняў адразу ў чатырох рэгіёнах Берасцейскай вобласці быў зафіксаваны максімум. У Пінску - 22,6 градусаў цяпла, у Высокім - плюс 21,2°С, у Пружанах - плюс 20,9°С, а ў Ганцавічах паветра прагрэлася да 20,5 градусаў. Так цёпла ў сярэдзіне кастрычніка бывае раз на 20-25 гадоў, - паведамілі «Камсамолцы» ў Белгідрамеце Мінпрыроды.

Паводле прагнозаў сіноптыкаў, наступны тыдзень цалкам упішацца ў стандарты залатой восені, бо дажджоў будзе мала, а тэмпература паветра зноў перавысіць норму на 4-7 градусаў.

15 кастрычніка будзе пераважна без ападкаў, уначы і раніцай магчымы слабы туман. Уначы тэрмометр пакажа ад 7 да 12°С, удзень - ад 12°С на поўначы і да 23°С - на поўдні краіны.

16 кастрычніка будзе пераважна без ападкаў, толькі на паўночным захадзе Беларусі чакаюцца невялікія кароткачасовыя дажджы. Уначы тэмпература паветра складзе ад 5 да 12°С, а ўдзень - ад 14 да 21°С. На поўдні краіны - да 23 градусаў.

У чацвер 17 кастрычнiка пройдуць кароткачасовыя дажджы, дададуцца дажджы. Уначы чакаецца ад 6 да 12°С, удзень - ад 12 да 18°С. На поўдні Беларусі - да 21 градуса.

18 кастрычніка ў паўночнай палове краіны магчымыя кароткачасовыя дажджы, паветра прагрэецца ад 6 да 12°С уначы і ад 11 да 15°С - удзень. На поўдні прагназуецца 18-20 градусаў цяпла.

На выходных будзе пераважна без ападкаў. Уначы слупок тэрмометра апусціцца да 5-12°С, а ўдзень паднімецца да 12-19°С. Зноў на поўдні Беларусі будзе цяплей за ўсё - да +22 градусаў.

Хоць беларусы і стогнуць, што першыя два тыдні кастрычніка былі незвычайна халоднымі, сярэдняя тэмпература не асабліва адхіляецца ад нормы - усяго на 0,8 градусаў ніжэй. Ды і снег ў першай дэкадзе месяца - хоць з'ява і рэдкая, але таксама не анамальная.