Кітай пачаў выконваць умовы ў гандлёвай угодзе з ЗША
2- 14.10.2019, 9:59
- 8,718
Дональд Трамп у адказ пастанавіў не павышаць мыты.
Кітай пачаў набываць сельскагаспадарчую прадукцыю з ЗША, прыступіўшы такім чынам да выканання дамоўленасцяў у гандлёвай угодзе.
Пра гэта амерыканскі прэзідэнт Дональд Трамп заявіў у сваім Twitter, паведамляе nv.ua.
«Кітай ужо пачаў набываць сельскагаспадарчую прадукцыю ў нашых вялікіх патрыётаў-фермераў», – заявіў Трамп.
Паводле ягоных словаў, адна з умоваў ва ўгодзе меркавала, што Кітай пачне неадкладна набываць амерыканскую сельскагаспадарчую прадукцыю, а не праз тры-чатыры тыдні пасля падпісання дакументаў.
Пры такой умове ён пагадзіўся не павышаць мыты на кітайскія тавары з 25% да 30% з 15 кастрычніка.
Трамп адзначыў, што ў ЗША «стасункі з Кітаем вельмі добрыя» і што ў найбліжэйшы час паміж краінамі будзе падпісанае гандлёвае пагадненне.
«Мы скончым большую частку першай фазы пагаднення, а потым пяройдзем непасрэдна да другой фазы. Першая фаза можа быць закончаная і падпісаная ў хуткім часе!» – дадаў амерыканскі прэзідэнт.
....I agreed not to increase Tariffs from 25% to 30% on October 15th. They will remain at 25%. The relationship with China is very good. We will finish out the large Phase One part of the deal, then head directly into Phase Two. The Phase One Deal can be finalized & signed soon!
— Donald J. Trump (@realDonaldTrump) 13 октября 2019 г.