Капітан нацыянальнай каманды Эстоніі: Беларусы - гэта не кардонныя хлопчыкі, а рэальныя спаборнікі
2- 11.10.2019, 13:46
- 8,056
Кастусь Васільеў пракаментаваў футбольны матч з нацыянальнай камандай Беларусі.
«У мяне быў добры шанец забіць, але беларусы таксама мелі пару магчымасцяў трапіць у браму. Гэтая нічыя патрэбная была нам для аднаўлення ўпэўненасці ў сабе, так што вынікам мы можам быць задаволеныя.
У нас у камандзе з'явіліся новыя хлопцы, для іх гэта вялікі выклік. Беларусы ж не кардонныя хлопчыкі - гэта рэальныя спаборнікі», - цытуе паўабаронцу і капітана нацыянальнай каманды Эстоніі Канстанцінa Васільева партал sport.postimees.ee.