Беларускія анархісты адказалі на правакацыі ўладаў
3- 11.10.2019, 12:31
- 16,769
Актывісты запісалі відэазварот.
Актывісты анархічнага руху Сяргей Сазановіч і Сяргей Неўдах выступілі з відэазваротам пасля таго, як у іх бацькоў правялі ператрусы.
«Адбыліся ператрусы ў доме маіх бацькоў у сувязі з тым, што невядомыя закідалі Менскі гарадскі суд фарбай. Я да гэтага ніякага дачынення не маю і звязваю гэта з пераследам анархістаў», – заявіў Сяргей Сазановіч.
«Мяне клічуць Неўдах Сяргей і да маіх бацькоў прыйшлі з ператрусам. Мяне абвінавачваюць у тым, што я закідаў будынак суда фарбай. Я гэтага не рабіў! Канкрэтную сітуацыю я расцэньваю як узмацненне рэпрэсій на адрас анархічнага руху ў Беларусі.
Змітру Паліенку інкрымінуюць два эпізоды паводле гэтага ж 341-га артыкула. Акрамя таго, таварыша затрымалі 24 верасня за графіці супраць еўрапейскіх гульняў.
Нас з Сяргеем Сазановічам абвінавачваюць паводле гэтага ж артыкула – 341-га. Мяркую, што наш з Сазановічам пераслед – помста карных органаў за акцыю салідарнасці каля будынка суда з Змітром Паліенкам і за перфоманс на Менскім дыялогу. Пры тым маё асабістае меркаванне такое, што актывіст можа выкарыстоўваць розныя тактыкі ў адказ на рэпрэсіі дзяржавы, але гэта не робіць мяне злачынцам», – заявіў Сяргей Неўдах.