Найлепшы форвард менскага «Дынама» працягнуў кантракт з «зубрамі»
- 13.06.2018, 18:40
- 7,373
Куінтон Хаудэн працягнуў кантракт з беларускім клубам на год.
Самы выніковы нападнік менскага «Дынама» ў мінулым сезоне Куінтон Хаудэн падпісаў з «бела-сінімі» новы гадавы кантракт, паведамляе афіцыйны сайт «зуброў».
У мінулым сезоне Хаудэн дэбютаваў у Еўропе, і ў 56 матчах за «Дынама» закінуў 17 шайбаў і аддаў 15 выніковых перадач, стаўшы другім бамбардзірам каманды і яе найлепшым снайперам. Невыпадкова на Куінтона звярнуў увагу трэнерскі штаб нацыянальнай каманды Канады, які запрасіў форварда на Алімпіяду ў Пхенчхан. З «кляновым лісцем» Хаудэн стаў бронзавым прызёрам Гульняў 2018.
У галасаванні заўзятараў «Дынама» паводле вынікаў сезона Куінтон быў безумоўна прызнаны найлепшым нападнікам клуба.