Масавыя акцыі ў Менску ў красавіку 1991 года падарвалі асновы савецкай улады

Выступленні рабочых тады «зламалі хрыбет» СССР.

На сайце вэб-архіва «Вытокі» з'явіліся невядомыя раней фотаздымкі масавых акцый пратэстаў рабочых у красавіку 1991 года.

На фотаздымках бачныя бел-чырвона-белыя сцягі, паказаны шлях ад Трактарнага завода на Плошчу Леніна. Часта пратэсты красавіка 1991 года называюць чыста эканамічнымі, што не адпавядае рэальнасці. Менавіта падчас гэтых пратэстаў уздымалася пытанне «дэпартызацыі» - ліквідацыі кіроўнай ролі Камуністычнай партыі, якая была канчаткова ліквідаваная ў жніўні 1991 года, пасля няўдалага путчу.

Рабочыя страйкі красавіку 1991 года падарвалі падмурак камуністычнай улады. Са словаў удзельніка падзей Васіля Леўчанкава, «красавіцкія страйкі зламалі хрыбет КПСС».