Замежная прэса: Расеі цураюцца нават ізгоі, накшталт рэжыму Лукашэнкі

Расея патрапіла ў кампанію да Нікарагуа і тэрарыстычнай арганізацыі «Хамас». Рана або позна Крамлю прыйдзецца спусціцца з нябёсаў на зямлю, лічаць заходнія аналітыкі.

У чацвер віцэ-прэзідэнт ЗША Дзік Чэйні, здзяйснялы турнэ па былых рэспубліках СССР, выказаў падтрымку ўраду Грузіі і асудзіў "беззаконныя" дзеянні Расеі падчас супрацьстаянняў на Каўказе. А вось падтрымліваць Маскву не імкнуцца нават "краіны-ізгоі" і даўнія саюзнікі накшталт Беларусі, піша замежная прэса, якую цытуе старонка “Инопресса.ру”.

Дзік Чэйні падліў алею ў агонь канфлікту, распавядае Corriere della Sera. Прыехаўшы ў Тбілісі, ён ня стаў карыстацца імглістымі выразамі. "Перад абліччам незаконных спробаў змяніць межы Грузіі варта сумнявацца ў надзейнасці Расеі як партнэра, ня толькі ў гэтым рэгіёне, але і ва ўсёй сыстэме", – паўтараў ён. Тэрмін паўнамоцтваў Чэйні сканчаваецца, але пакуль за ім стаяць Злучаныя Штаты, і ягоныя словы ўсё яшчэ маюць вагу.

Чэйні агітуе постсавецкія краіны за ўмацаванне альянсу з ЗША, піша часопіс Time. Віцэ-прэзідэнт сурова асудзіў "беззаконную, аднабаковую спробу" Масквы перакроіць межы і паабяцаў далейшую падтрымку высілкаў Грузіі па ўступе ў НАТА.

У Расеі абураныя ўжо самім маршрутам Чэйні. Той факт, што сама заўзяты каршак у адміністрацыі Буша камандаваны ў Азербайджан, Грузію і на Ўкраіну, у Маскве завецца доказам наступных падкопаў ЗША – спробы замкнуць кола вакол Расеі.

Нават сярод вядомых і ўлічаных Вашынгтонам "ізгояў" Расеі не ўдалося заручыцца якой-небудзь значнай падтрымкай сваіх дзеянняў у грузінскім крызысе, зважае Liberation. Нават Іран, Паўночная Карэя, Кітай і Сірыя не вырашыліся падтрымліваць абхазкіх і паўднёваасяцінскіх сепаратыстаў. Ні Беларусь, з якой Масква, як сказана ў артыкуле, быццам бы ўтварае нейкую "саюзную дзяржаву", ні іншыя краіны СНД не раскідваюцца сваёй падтрымкай. Рашэнне Масквы прызнаць незалежнасць самаабвешчаных рэспублікаў пакуль падтрымалі толькі палестынская ўзброеная групоўка "Хамас" і Нікарагуа. Такая кампанія бунтаўнікоў – даволі бездапаможная супрацьвага ўсяму таму, што Расея выйграе ад сваіх адносінаў з Захадам, указвае газета.

Вайна Масквы з Грузіяй прывяла да ізаляцыі Расеі, згаджаецца брытанская The Guardian. Іншыя краіны чакаюць ад вялікай дзяржавы стабільнасці і разважлівасці, а калі іх не аказваецца, за мяжой звычайна робяць выснову, што дзяржава ня гэтак ужо вялікая і ня гэтак ужо моцная. У той сама час канец эры расейскага энергетычнага багацця ўжо не за горамі, а абмежаваныя магчымасці ейных састарэлых узброеных сілаў відавочныя, лічыць выданне. Уплыў Расеі ў бліжэйшыя гады непазбежна будзе падаць.