У Грэцыі перанеслі галасаванне па Македоніі
- 24.01.2019, 21:33
- 6,791
Галасаванне правядуць заўтра, 25 студзеня.
Галасаванне ў грэцкім парламенце аб ратыфікацыі пагаднення што да змены назвы Македоніі перанеслі на пятніцу 25 студзеня на 14:30. Пра гэта паведамляе rbc.ua са спасылкай на Ekathimerini.
Як адзначаецца, рашэнне было прынятае пасля сустрэчы спікераў парламента і намеснікаў спікераў, каб падоўжыць час дэбатаў. Для таго, каб пагадненне ратыфікавалі, неабходна не менш як 152 галасы грэцкіх дэпутатаў.
Таксама паведамляецца, што блізу 1500 супрацоўнікаў паліцыі патрулююць сталіцу Грэцыі Афіны перад пачаткам дэманстрацый супраць ратыфікацыі пагаднення.
