Навальны знайшоў у прапагандыста Салаўёва яшчэ адну вілу ў Італіі
48- 22.01.2019, 14:57
- 65,804
Расейскі прапагандыст - уладальнік шыкоўнай нерухомасці і «Майбаха».
Вось вам колькі віл у Італіі трэба для шчасця, - задаецца пытаннем расейскі апазіцыянер Аляксей Навальны на сваім сайце navalny.com.
З імавернасцю 90% на гэтае пытанне вы адказваеце: эээээ...мммм...ды мне б хоць нармальнае лецішча ў Падмаскоўі.
Адсутнасць амбіцый загубіць вас. А таксама прагнасць вам патрэбная. Здаровая прагавітасць. Наш сённяшні герой проста так і кажа ў роліку: каб атрымаць гэта ўсё, трэба хацець. Трэба быць сквапным!
Уладзімір Рудольфавіч Салаўёў вельмі прагавіты. Таму ён на ўсё здатны.
Я вельмі рады таму, што пасля першай серыі нашага міні-серыяла «Прапагандысты», прысвечанага віле Салаўёва на возеры Кома ў Італіі, цяпер у каментарах да кожнага артыкула пра яго, у рэпліках на кожны твіт гэтага ілжывага жуліка абавязкова ёсць хтосьці, хто нагадвае яму аб гэтай нерухомасці.
І трэба нагадваць, асабліва ў тыя перыяды, калі гэты «журналіст» б'ецца ў чадзе асаблівага патрыятызму і «славіць Русь», супрацьпастаўляючы яе загніваючай Еўропе.
Толькі вымушаны сёння абвясціць публічна.
Звесткі аб тым, што ў тэлевядоўцы Уладзіміра Салаўёва ёсць віла на італійскім возеры Кома, не адпавядаюць рэчаіснасці.
Таму што ў яго там «не закрыты, а адкрыты пералом».
Таму што ў тэлевядоўцы Салаўёва ёсць дзве вілы на італійскім возеры Кома.
Мы іх знайшлі і сфатаграфавалі для вас. Усе падрабязнасці ёсць у роліку, а тут я проста пакіну дакументы для пацвярджэння.
Гэта дамова куплі-продажу.
Дата пакупкі: 29 ліпеня 2013
Месца: Менаджыё, Кома (11 км на аўтамабілі ад іншага ягонага дома). Дом размешчаны на пагорку на самым краі пасёлка каля лесу.
Уласнік: Салаўёў Уладзімір Рудольфавіч
Прафесія пакупніка вілы: артыст. (Тут не паспрачаешся, не называць жа яго «журналістам»)
Уладзімір Салаўёў прадстаўляецца ў Італіі мясцовым жыхаром. Дамічыліята.
Вось выпіска з кадастру:
Вось выпіска з кадастру на гасцявы дом:
Аднак будзем справядлівыя і да Салаўёва. Ён марнуе свае грошы не толькі ў Італіі. Вось зусім нядаўна інвеставаў вялікую суму - боізу 15 мільёнаў рублёў у куплю на тэрыторыі нашай краіны.
14 лютага 2018 года тэлевядоўца павіншаваў сваю ўлюбёную валянцінку. Гэта значыць, сябе, вядома. Набыў сабе «Майбах».
І атрымлівае асалоду ад гэтага шэдэўра нямецкага аўтапрама, не звяртаючы ўвагі на штрафы.
Маралізаваць не буду. Ужо з Салаўёвым усё дакладна зразумела. Кляйма няма дзе ставіць. Злодзей, жулік і хлус.
Гэта ўжо ўсёй краіне зразумела, наша задача проста распаўсюдзіць гэтае відэа як мага шырэй, асабліва сярод тых, хто глядзіць тэлевізар.
«У яго дзве вілы ў Італіі», - вось што павінна быць у галаве ў кожнага тэлегледача, калі ён бачыць Рудольфавіча на экране.