У Беларусі чакаецца вецер хуткасцю амаль 100 кіламетраў на гадзіну
3- 22.09.2018, 16:44
- 32,787
МНС папярэджвае аб небяспецы.
У панядзелак і аўторак, 24 і 25 верасня, надвор'е значна пагоршыцца, паведамляецца на сайце Белгідрамета. Месцамі чакаецца вецер парывамі да 25-27 метраў за секунду. Гэта амаль 100 кіламетраў на гадзіну, піша The Village Беларусь.
У панядзелак уначы на паўднёвым захадзе, удзень на большай частцы тэрыторыі краіны прагназуюцца працяглыя моцныя дажджы і ўзмацненне ветру парывамі 15-20 м/с, месцамі да 22-27 м/с. У аўторак моцныя парывы ветру захаваюцца на большай частцы тэрыторыі рэспублікі.
МНС Беларусі на сваёй старонцы ў твітэры папярэджвае пра небяспеку і раіць у гэтыя два дні паменш знаходзіцца на вуліцы.
Друзья, я волнуюсь за вас. 27 м/с это почти 100 км/ч. Такие порывы ветра ожидают Беларусь, если прогноз оправдается. А ещё и ливни. Планируйте меньше находиться на улице, пожалуйста, в понедельник и вторник, отмените необязательные поездки, если есть возможность!
— 112.by МЧС Беларуси (@112by) 21 сентября 2018 г.