Блінкен: Планы Пуціна зазналі няўдачу

“Адбылася агрэсія не толькі супраць Украіны”.

Дзяржаўны сакратар ЗША Энтані Блінкен заявіў, што першапачатковыя планы расейскага дыктатара Уладзіміра Пуціна наконт вайны ва Украіне былі няўдалымі.

Пра гэта паведамляе The Guardian.

“Эфектыўна аб'яднаўшы многія краіны, мы дапамаглі неверагодна мужным украінцам адбіць агрэсію, і цяпер гэта пастаянныя намаганні і пастаянная барацьба, але тыя планы, якія Уладзімір Пуцін меў у дачыненні да Украіны, каб спачатку сцерці яе з карты, уключыць у склад Расеі, больш не існуюць. Гэта не ўдалося, - заявіў Блінкен на Сусветным эканамічным форуме ў Эр-Рыядзе.

Паводле ягоных слоў, многія краіны, як у Еўропе, так і за яе межамі, аб'ядналіся з-за прызнання таго, што "адбылася агрэсія не толькі супраць Украіны, але і супраць некаторых асноўных прынцыпаў міжнароднай сістэмы".

"І калі б мы пакінулі гэты выклік беспакараным, то, хутчэй за ўсё, патэнцыйныя агрэсары ва ўсім свеце прынялі б гэта да ўвагі, і мы атрымалі б свет, дзе канфліктаў стала б больш, а не менш", - дадаў дзяржсакратар ЗША.

Блінкен таксама дадаў, што альянс у Еўропе цяпер існуе альянс, які "мацнейшы, большы, чым быў".

“І я думаю, што ў нас ёсць план, які дазволіць Украіне з цягам часу стаць паспяховай краінай. Моцнай краінай: вайскова, эканамічна, дэмакратычна”, - падкрэсліў ён.