Што мы ведаем пра Алаізу Пашкевіч, якая аддала жыццё за свой народ

«Цётка» змагалася за мову беларусаў, «каб не ўмёрлі».

Прыклад будзіцелькі народа, пасіянарыя, якая ў даслоўным сэнсе аддала жыццё для свайго народа. Алаіза Пашкевіч рабіла ўсё для беларускай культуры: грала ў тэатры, стварала гурткі, школы і літаратурныя творы, паведамляе «Белсат».

Змагалася за мову беларусаў, «каб не ўмёрлі». У Беларусі на афіцыйным узроўні ёсць помнікі, вуліцы ў яе гонар. У мястэчку Астрына на радзіме яе імем названа школа, у двор якой адмыслова перанеслі помнік «Цётцы». І ніхто не звяртае ўвагі, што ў той Астрынскай школе няма ніводнага беларускага класа.