Эксперт: Планы Пуціна выявілі яго моцную залежнасць ад Кітая

У Крамлі баяцца нечаканай пастановы КНР.

Запланаваны візіт у Кітай расейскага дыктатара Уладзіміра Пуціна пасля «інаўгурацыі» сведчыць аб моцнай залежнасці РФ ад КНР.

Такое меркаванне сёння, 26 красавіка, у эфіры тэлеканала FREEДОМ выказаў дырэктар Цэнтра блізкаўсходніх даследаванняў Ігар Сямівалос.

«Кітай вельмі важны для Расеі. І практычна вось сам факт візіту Пуціна ў Кітай сведчыць аб ягонай сур'ёзнай залежнасці ад кітайскай эканомікі, ад Кітая агулам, што, фактычна, санкцыі, якія дзейнічаюць супраць Расеі, могуць быць эфектыўнымі толькі ў выпадку, калі Кітай будзе іх прытрымлівацца. Таму задача Расеі - не дапусціць такога развіцця падзей», - сказаў Сямівалос.

Ён адзначыў, што пакуль не высветлілася пытанне, наколькі насамрэч Захад рэальна гатовы да сур'ёзных санкцый супраць Кітая.

«Гэта значыць, няма відавочных такіх зразумелых паказальнікаў, якія кажуць, што ў выпадку, калі Кітай будзе дзейнічаць вось так, мы будзем дзейнічаць так. Пакуль што ўсё гэта на ўзроўні размоў і папярэдніх пагроз, якія могуць быць рэалізаваныя ці не. Паглядзім», - сказаў эксперт.