Каталікі святкуюць Вялікдзень: яркі рэпартаж з Вілейкі

Журналісты наведалі касцёл Узвіжання Святога Крыжа.

Каталікі, як і пратэстанты, гэтай сонечнай нядзеляй святкуюць адно з найважнейшых хрысціянскіх свят — Вялікдзень, у цэнтры якога ўваскрасенне Ісуса Хрыста, перамога жыцця над смерцю. Фатограф Onliner наведаў Вілейку і падрыхтаваў яркі рэпартаж.

Гэтым разам журналісты наведалі касцёл Узвіжання Святога Крыжа, які знаходзіцца на плошчы Леніна ў Вілейцы. Храм узводзілі з 1906 па 1913 год, і ў выніку ў мястэчку з’явіўся цудоўны ўзор неагатычнай архітэктуры.

Пасля Другой сусветнай вайны касцёл быў зачынены і выкарыстоўваўся як склад. Напрыканцы 1980-х яго прыстасавалі пад галерэю Нікадзіма Сілівановіча, а ўжо ў 1990-м ён быў вернуты каталікам.

Набажэнства распачалося ў дзевяць вечара. Узначаліў яго пробашч парафіі Узвіжання Крыжа Аляксандр Барыла.

У нядзелю ў касцёлах працягнуцца набажэнствы, а вернікі нарэшце сядуць за святочны стол: павітаюць адно аднаго велікодным заклікам «Хрыстос уваскрос!» — «Сапраўды ўваскрос!», пакаштуць святочныя стравы і, безумоўна, пагуляюць у біткі пафарбаванымі яйкамі.

Тым часам праваслаўныя сёння адзначаюць Вербную нядзелю, а ўжо праз тыдзень таксама будуць святкаваць Пасху.

Вы можете поддержать сайт Charter97.org следующим образом:

РАСЧЕТНЫЙ МУЛЬТИВАЛЮТНЫЙ СЧЕТ ДЛЯ ПОЖЕРТВОВАНИЙ:

Название банка: Bank Millennium S.A.
Адрес: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Название владельца счета: Fundacja “KARTA ‘97”
Назначение платежа: Darowizna na cele statutowe

Связаться с нами можно по адресу [email protected]