Польская Аўтакефальная Праваслаўная Царква святкуе 100-годдзе

У святкаваннi ўзяў удзел польскi прэзiдэнт.

Прэзідэнт Рэспублікі Польшча Анджэй Дуда і ягоная жонка Агата Корнхаўзэр-Дуда прынялі ўдзел у святкаванні 100-годдзя аўтакефаліі Польскай Аўтакефальнай Праваслаўнай Царквы, паведамляе «Радыё Рацыя».

У сваёй прамове прэзідэнт нагадаў, што сто гадоў таму пытанне аўтакефаліі Польскай Аўтакефальнай Праваслаўнай Царквы не было новым, бо яно нарадзілася як ідэя пасля сходу духавенства ў Пінску ў 1791 годзе.

«Менавіта тады быў створаны першы праект аўтакефаліі з намерам яе атрымаць, але вайна, якая неўзабаве пачалася, перашкодзіла гэтым намерам. Пасля аднаўлення Польшчай незалежнасці ў 1918 годзе гэтыя намаганні аднавіліся і скончыліся атрыманнем 13 лістапада 1924 года аўтакефаліі Польскай Аўтакефальнай Праваслаўнай Царквы ад Канстанцінопальскага Патрыярхату», – адзначыў ён.

«Дзякуй за тое, што Польская Аўтакефальная Праваслаўная Царква ўнесла ў Рэспубліку Польшча, у гісторыю Рэспублікі Польшча, таксама ў асветніцкім сэнсе, таксама ў сэнсе абаронцаў РП, магіламі якіх адзначана столькі месцаў у Польшчы і ва ўсім свеце. Дзякуй, што выбудоўваеце настрой, сумесна будуеце Рэспубліку Польшча, і я прашу большага», – сказаў прэзідэнт.

Анджэй Дуда перадаў падарунак праваслаўнай грамадзе: праваслаўнае Евангелле і дзяржаўныя сцягі Рэспублікі Польшча з памятным надпісам.

Вы можете поддержать сайт Charter97.org следующим образом:

РАСЧЕТНЫЙ МУЛЬТИВАЛЮТНЫЙ СЧЕТ ДЛЯ ПОЖЕРТВОВАНИЙ:

Название банка: Bank Millennium S.A.
Адрес: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Название владельца счета: Fundacja “KARTA ‘97”
Назначение платежа: Darowizna na cele statutowe

Связаться с нами можно по адресу [email protected]